fbpx

Fasting လုပ်ခြင်းနဲ့ ကျန်းမာရေး

Fasting ဆိုတာ ဘာလဲ? Fasting လုပ်ခြင်းက ကောင်းရဲ့လား? ကျန်းမာရေးကို ထိခိုက်နိုင်လား? အစရှိတဲ့ လူမေးများတဲ့ မေးခွန်းပေါ်မူတည်ပြီး၊ အဖြေတွေ၊ အကျိုးသက်ရောက်ပုံတွေကို အောက်မှာ ဆက်ရှင်းပြထားပေးမယ်နော်။

Fasting ဆိုတာက အနီးစပ်ဆုံးပြောရရင် အစာရှောင်ခြင်းပေါ့..
အစာရှောင်ခြင်းဆိုတဲ့နေရာမှာ ဆီကြော်မစားတာ၊ ကဆီဓာတ်များတာတွေ၊ အသင့်စား အစားအသောက်တွေကို ရှောင်ခြင်းသပ်သပ်မဟုတ်ဘဲ၊ အစာစားတဲ့အချိန်ကို ခြားလိုက်ခြင်းကြောင့် အစာမစားဖြစ်တဲ့အချိန်တွေမှာ ခန္ဓာကိုယ်က အဆီပိုတွေကို လောင်ကျွမ်းစေတဲ့နည်းလမ်းပါ။

Fasting မလုပ်တဲ့ ခန္ဓာကိုယ်တစ်ခုမှာ သူ့လုပ်ဆောင်ချက်အတိုင်း ပုံမှန်အတိုင်းလည်ပတ်နေမှာဖြစ်ပြီး၊ လှုပ်ရှားမှုမပြုလုပ်တဲ့အခါ အဆီစုလွယ်ပြီး၊ ဝိတ်တက်လာစေပါတယ်။ Fasting ပြုလုပ်လိုက်တဲ့အခါ ဆဲလ်တွေက ပုံမှန်အတိုင်း ဖွဲ့စည်းရုံတစ်ခုတည်းမဟုတ်တော့ဘဲ ဆဲလ်အဟောင်းတွေကို ဖယ်ရှားသန့်စင်စေပြီး၊ ခန္ဓာကိုယ်တွင်းက လှုပ်ဆောင်ချက်တွေက လျှင်လျှင်မြန်မြန်ပဲ အဆီပိုတွေ လောင်ကျွမ်းစေပါလိမ့်မယ်။

Fasting လုပ်နေချိန် အစာမစားရလို့ ကျန်းမာရေးကို ဆိုးဆိုးဝါးဝါး ထိခိုက်ပြီး၊ အာဟာရချို့တဲ့နိုင်လား?

ဒါဆိုရင်တော့ တန်ဆေး၊ လွန်ဘေးဆိုတဲ့အတိုင်း ကိုယ်ရွေးချယ်လိုက်တဲ့ Fasting အမျိုးအစားပေါ် မူတည်ပြီး ကျန်းမာရေးအတွက် အကျိုးသက်ရောက်မှုတွေတော့ရှိနိုင်ပါတယ်။ Fasting လုပ်တဲ့ ကြာချိန်ပေါ်မူတည်ပြီးလည်း ကောင်းကျိုးများစွာရှိပါ‌သေးတယ်။

Fasting လုပ်နေချိန် ဗိုက်ဆာလာရင် သစ်သီးသစ်ဖုတွေ၊ အသီးအနှံတွေစားသင့်လား?

ဒီမေးခွန်းအတွက် အဖြေက ရှင်းပါတယ်။ Fasting ဆိုတာ ဘာကိုမှမစားဘဲ ကိုယ့်ရဲ့ ခန္ဓာကိုယ်ထဲက ကယ်လိုရီတွေကို လောင်ကျွမ်းအောင်လုပ်တာဖြစ်လို့ Fasting လုပ်ချိန်မှာ သောက်ရေသန့်၊ ရေနွေး၊ ရေနွေးကြမ်း၊ တခြား ကယ်လိုရီမပါတဲ့ အရည်တစ်ခုခုကလွဲပြီး ဘာကိုမှ ပါးစပ်ထဲ အဝင်မခံတာမျိုးပါနော်။

Fasting ကို ဘယ်လိုလူတွေလုပ်သင့်လဲ? ဘယ်လိုလူတွေ မလုပ်သင့်ဘူးလဲ?

လုပ်သင့်တဲ့သူတွေကတော့ ဝိတ်ထိန်းချင်သူ၊ ဝိတ်ကျချင်သူ၊ ဝမ်းဗိုက်အဆီပိုတွေ လောင်ကျွမ်းစေလိုသူ၊ နှလုံးကျန်းမာရေးကောင်းစေချင်သူ၊ ညဘက်အိပ်မပျော်တဲ့သူ၊ သွေးတွင်းအချိုဓာတ်ထိန်းချင်သူတွေ အဓိကလုပ်သင့်ပါတယ်။ နို့တိုက်မိခင်တွေ၊ ကျန်းမာရေးအတွက် ဆေးဝါးမှီဝဲနေရသူတွေ၊ ကိုယ်ဝန်ဆောင်သည်တွေ၊ အသက်(၁၈)နှစ်အောက် ကလေးငယ်တွေကတော့ Fasting လုပ်ခြင်းကို အထူးရှောင်သင့်ပါတယ်နော်။

ဒါဆို Fasting အမျိုးအစားတွေနဲ့ ကြာချိန်ပေါ်မူတည်ပြီး ခန္ဓာကိုယ်အတွက် သက်ရောက်မယ့် ကောင်းကျိုးတွေကို ဖော်ပြပေးလိုက်ပါတယ်နော်…

Fasting hour (12-hour/ 16-hour/ 18-hour/ 20-hour/ 24-hour) ဆိုပြီးတော့ အဲ့ဒီအချိန်အတွင်မှာ အစာမစားဘဲနေခြင်းဆိုတဲ့ အချိန်ခြားခြင်းနည်းလမ်းနဲ့ နောက်တစ်မျိုးကတော့ 5:2 ဆိုတဲ့ တစ်ပတ်မှာ (၂)ရက်ဆက်တိုက်၊ ၄၈နာရီကြာအောင် အစားစာချိန်ခြားခြင်းဆိုပြီး အမျိုးအစားတွေရှိပါတယ်။

*12-hour fasting ကတော့ပေါ့ပေါ့ပါးပါးပဲမို့ ခုမှစမယ်ဆိုတဲ့သူတွေအတွက် နေ့တိုင်းပြုလုပ်နိုင်မှာဖြစ်ပါတယ်။ တစ်နေ့မှာ ၁၂နာရီဆက်တိုက် အစာမစားဘဲ ရေပဲသောက်ပြီး အစာခြားတဲ့နည်းလမ်းပါ။ ညဘက်အိပ်ခါနီးတွေ လုပ်ဖို့သင့်တော်ပါတယ်။ ခန္ဓာကိုယ်အလေးချိန်ထိန်းချင်တဲ့သူတွေအတွက် နေ့စဉ်ဆက်တိုက်လုပ်ဖို့ အဆင်ပြေစေမှာပါ။ ၁၂နာရီဆက်တိုက် အစာအစားဘဲနဲ့နေခြင်းက ဝိတ်ကျဖို့အတွက် အဆီပိုတွေကို လောင်ကျွမ်းနိုင်လောက်တဲ့အထိ ပြောင်းလဲမပေးနိုင်သလို၊ ကိုယ်ခန္ဓာထဲမှာရှိနေတဲ့ ဂလူးကိုစ့်ပမာဏကိုလဲ လျော့ကျစေမှာမဟုတ်ပါဘူး။ အဲ့ထဲကမှ ပေါ့ပေါ့ပါးပါနဲ့ ခုမှ fasting စလုပ်မယ်ဆိုတဲ့သူတွေအတွက် အဆင်ပြေစေနိုင်မယ့် နည်းလမ်းနဲ့ သူ့ရဲ့ အကျိုးသက်ရောက်ပုံတွေကို အောက်မှာဖော်ပြပေးလိုက်ပါတယ်။

*16-hour fasting ကလည်းပဲ နေ့တိုင်းပြုလုပ်နိုင်ပါတယ်။ ၁၆နာရီဆက်တိုက် အစာခြားတဲ့ ဒီfasting အမျိုးအစားမှာတော့ ခန္ဓာကိုယ်တွေက အဆီပိုတွေ စတင်လောင်ကျွမ်းပြီး၊ ပေါ့ပါးတဲ့ လေ့ကျင့်ခန်းနဲ့တွဲလုပ်မယ်ဆိုရင်တော့ အလျှင်အမြန်ကိုပဲ ဝိတ်ကျစေမှာပါ။ ကျန်တဲ့ ၈နာရီအတွင်းမှာတော့ အာဟာရရှိပြီး၊ ကယ်လိုရီမများတဲ့ အစားအစာတွေကို စားသင့်ပါတယ်။

*18-hour fasting ကတော့ (၁၈)နာရီဆက်တိုက် အစားခြားပြီး၊ ၆နာရီအတွင်းပဲ အစားစာတဲ့နည်းလမ်းပါ။ ဒီနည်းလမ်းကတော့ အပေါ်ကနည်းလမ်းတွေလိုပဲ ပေါ့ပေါ့ပါးပါးနဲ့ လုပ်နိုင်ပါလိမ့်မယ်။ အာဟာရ ရှိပြီး၊ ကယ်လိုရီမများတဲ့ အစားအစာတွေအမြောက်အများစားနိုင်ပေမယ့် 12-hour/ 16-hour/ 18-hour fasting တွေကတော့ လေ့ကျင့်ခန်းနဲ့တွဲလုပ်ပေးမှ အဆီတွေမြန်မြန်ကျစေမှာပါနော်။

*20-hour fasting မှာတော့ နာရီ(၂၀)အစားရှောင်ပြီး၊ ကျန်တဲ့ (၄)နာရီအတွင်းမှာ အစာများများစားခြင်းပါ။ ဒီအစာစားချိန်မှာတော့ အသီးအရွက်များများ၊ အမျှင်ဓာတ်၊ ပရိုတင်းဓာတ်နဲ့ တခြားကျန်းမာရေးအတွက်အထောက်အကူပြုတဲ့ အဆီပိုတွေ များများစားထားသင့်ပါတယ်။ အပေါ်က အဆင့်တွေက အောင်အောင်မြင်မြင်ကျော်ဖြတ်နိုင်ရင်တော့ ဒီနည်းလမ်းကို စမ်းကြည့်နိုင်ပါတယ်။ အကျိုးသက်ရောက်မှုတွေကတော့ ခန္ဓာကိုယ်ထဲက မလိုလားအပ်တဲ့ ကဆီဓာတ်တွေကို လောင်စာအဖြစ်နဲ့သုံးပြီး၊ မလိုလားအပ်တဲ့အဆီတွေကို အားပြင်းပြင်းနဲ့ ဖြိုခွင်းပြီး၊ အဆီကျစေနိုင်မှာပါ။

*24-hour fasting ကတော့ (၁)ပတ်ကို ၁ခါ ၂ခါလောက်အထိ လုပ်နိုင်ပါတယ်။ ဒီနည်းလမ်းက ၂၄နာရီလုံးလုံး ဘာမှမစားတာပါ။ ဉပမာ ဒီနေ့မနက်စာကနေ နောက်နေ့မနက်စာစားချိန်အထိ အစားလုံးဝမစားခြင်းပါ။

* 5:2 နည်းလမ်းကတော့ fasting လုပ်တာလဲ ကြာလာပြီ၊ ကိုယ့်ရဲ့ အစာစားချင်စိတ်ကိုလဲ ထိန်းချုပ်နိုင်ပြီဆိုတဲ့ သူတွေလုပ်သင့်ပါတယ်။ သူက (၂)ပတ်မှ တစ်ခါလုပ်ရတဲ့နည်းလမ်းပါ။ သူက ၅ရက်အတွင်းမှာတော့ အာဟာရရှိတာကို ခဏခဏနည်းနည်းခြင်းဆီ ပုံမှန်စားပြီး၊ ကျန်(၂)ရက်မှာလုံးဝမစားတဲ့ နည်းလမ်းပါ။ လေ့လာတွေ့ရှိချက်တွေအရတော့ ဒီလိုနည်းလမ်းက ခန္ဓာကိုယ်ထဲက အင်ဆူလင်ပမာဏကို လျှော့ချပေးပြီး၊ အင်ဆူလင် sensitivity ကို မြှင့်တင်ပေးပါတယ်။ ဒီနည်းလမ်းကိုတော့ ဝိတ်အရမ်းများတဲ့ overweight သမားတွေက အဓိကလုပ်သင့်ပါတယ်။ လေ့လာတွေ့ရှိချက်အရ ဒီနည်းလမ်း (၁)ပတ်လုပ်ပြီးတဲ့အခါ overweight သမားတွေရဲ့ ကိုယ်အလေးချိန် (4.8%) အထိတောင်လျှော့ချနိုင်ပြီး၊ အဆီပိုတွေကို (8%) အထိတောင်လျော့ကျစေနိုင်တယ်။

Fasting လုပ်ခြင်းကနေ ရလာစေမယ့် အကျိုးကျေးဇူးတွေကတော့..

*သွေးတွင်း သကြားဓာတ်ကိုလျှော့ချပေးနိုင်မယ်။
*ဦးနှောက်ရဲ့ လုပ်ငန်းဆောင်တာတွေကို မြှင့်တင်ပေးနိင်မယ်။
*ခန္ဓာကိုယ်တွင်းက အဆီတွေကို ချေဖျက်နိုင်စွမ်းတွေ မြင့်လာမယ်။
*ကိုယ်ခန္ဓာအလေးချိန်ကျပြီး၊ လှပလာစေမယ်။
*နှလုံးရဲ့ လုပ်ဆောင်ချက်တွေ မြင့်လာပြီး၊ နှလုံးကျန်းမာရေးကောင်းလာမယ်။
*ခန္ဓာကိုယ်တွင်းက ခုခံအားစနစ်တွေ မြင့်တက်လာပြီး၊ ပေါ့ပါးလန်းဆန်း ကျန်းမာလာစေမယ်။
*Glucose Tolerance လည်းတိုးတက်လာစေမယ်။
*ကင်ဆာရောဂါဖြစ်မှုနှုန်းကို လျော့ကျလာစေမယ်။
*အရွယ်မတိုင်ခင် အဲလ်ဇိုင်းမားရောဂါဖြစ်မှုနှုန်းလျော့ကျလာစေမယ်။
*ကောင်းစွာ အိပ်ပျော်စေနိုင်မယ်။

Daily Info ရဲ့ စာဖတ်ပရိသတ်တွေလဲ အမြဲကျန်းမာပြီး၊ လှပနိုင်ကြပါစေ…
နောက်အပတ်တွေမှာလဲ ကျန်းမာရေးနဲ့အလှအပဆိုင်တဲ့ အကြောင်းအရာတွေလာဦးမှာမို့ ဆက်လက်ဖတ်ရှုပေးပါဦးနော်…

Ref: www.medicalnewstoday.com
Ref: www.discovermegazine.com
Ref: www.globalrecharge.com