fbpx

ကျပ်ငွေလဲနှုန်း ထိန်းလာနိုင်ပြီလို ဗဟိုဘဏ်ပြောဆို

ငွေလဲနှုန်း အကျပ်အတည်းကို ကိုင်တွယ်နေပြီး ဈေးတွေက ဗဟိုဘဏ်ရဲ့ စီမံခန့်ခွဲ ထိန်းချုပ်နိုင်မယ့် လမ်းကြောင်းပေါ် ရောက်နေပြီလို စစ်ကောင်စီခန့် ဗဟိုဘဏ် အကြီးတန်းအရာရှိကြီးတဦးက ပြောပါတယ်။

ဒါပေမဲ့ ကျပ်ငွေရဲ့တန်ဖိုးက ၆၀ % ကျော် လျော့နည်းသွားခဲ့တဲ့အတွက် အစားအသောက်နဲ့ ဓာတ်ဆီ၊ ဒီဆယ်ဆီဈေးတွေက ထိုးတက်သွားခဲ့ပါတယ်။ အာဏာသိမ်းပြီးကတည်းက စီးပွါးရေးကျဆင်းလာခဲ့တာဟာ ပမာဏအားဖြင့် ၁၈ % နည်းသွားခဲ့တယ်လို ကမ္ဘာ့ဘဏ် နဲ့ အာရှ ဖွံဖြိုးရေးဘဏ်တိုက ပြောခဲ့ကြပါတယ်။

ပိုကုန်ကရရှိခဲ့တဲ့ နိုင်ငံခြားငွေတွေကို လက်ခံရရှိပြီး ရက် ၃၀ အတွင်း ပြန်ရောင်းရမယ်လို ဗဟိုဘဏ် က ပြဌာန်းသတ်မှတ်ခဲ့တာကြောင့် ‌ဈေးကွက်မှာ နိုင်ငံခြားငွေ ပြန်များလာပြီး ငွေလဲနှုန်းကို ပြန်ချပေးလိမ့်မယ်လို ဗဟိုဘဏ် ဒုတိယဥက္ကဋ္ဌ ဦးဝင်းသော်က ပြောပါတယ်။ “ပုံမှန် ဖြစ်သင့်တဲ့နှုန်းကို ပြန်ကျ လာနေတယ်” လို ရိုက်တာ သတင်းဌာနကို ဖုန်းနဲ့ ပြောခဲ့တာပါ။

ဈေးကွက်ရဲ့ ဒေါ်လာငွေ လိုအပ်ချက်ကို ဗဟိုဘဏ်က ဖြည့်ဆည်း မပေးနိုင်ဘူးလို ပြေရေးဆိုခွင့်ရှိသူ ဗိုလ်ချုပ်ဇော်မင်းထွန်းက ပြောခဲ့ပြီး နိုဝင်ဘာ ဒီဇင်ဘာမှာ ပိုကုန် ပြန်တက်လာတာက ငွေလဲနှုန်းကျဖို အထောက်အကူ ဖြစ်မယ်လို ဦးဝင်းသော်က ဆိုပါတယ်။

နိုင်ငံခြား အရံငွေ ဘယ်လောက်ရှိတယ်ဆိုတာကို ဗဟိုဘဏ်က မထုတ်ပြန်ပါဘူး။၂၀၂၀ နှစ်ကုန်အထိတော့ မြန်မာနိုင်ငံရဲ့ နိုင်ငံခြား အရံငွေက ၇.၆၇ ဘီလီယံ ရှိခဲ့တယ်လို ကမ္ဘာ့စာရင်းများက ပြပါတယ်။